Morbid indulgence

Tuesday, November 29, 2005

** and post na ito ay sumingaw mula sa dalawang araw na walang humpay na pagbabasa ng Physiology, 5th ed nina berne, levy, koeppen, stanton... huwag umasang ma-entertain. (duh... kelan ka naging entertaining may?)

ang swallowing o deglutition reflex ay may tatlong phases: oral, pharyngeal at esophageal phase.

and oral phase ay voluntary. samakatuwid, kaya mo itong kontrolin. it o ay paghahanda ng pagkaing lulunukin sa pamamagitan ng pagnguya nito sa maliliit na piraso at paghahalo nito sa laway (yum yum). kapag tama na ang consistency ng nginuyang pagkain, ang dila ay babahagi ng maliit na piraso at itutulak ito patungong lalamunan (pharynx).

may mga tactile receptors sa lalamunan na masasagi ng pagkain habang dumadaan ito sa bahaging ito. ang pagsagi nito ang magpapasinaya sa involuntary phase ng paglunok.

sa pharyngeal phase ng paglunok, maraming mahalgang pangyayari na nagdudulot ng proteksyon sa ating pakuldad ng paghinga habang lumulunok. sa madaling sabi, ito ang nagsisilbing proteksyon sa atin upang hindi tayo mabilaukan.

sa phase na ito nagsasara ang trachea sa pamamagitan ng pagtatakip ng epiglottis dito.

bakit ko isinusulat ito?

simple lang.

nasamid ako kanina. pumunta yung coca-cola sa aking trachea.

hindi iyon masaya.

kalimutan nyo na yung esophageal phase kasi di sya kasama sa kwento.

** ito ang naidudulot ng pag-aaral ng medisina.

madalas ay naitatanong ko sa sarili ko kung bakit bihira na akong magpost gayong dati naman ay mahal na mahal ko ang blog na ito at hindi ako makatiis na hindi magsulat.

hindi factor ang oras, sapagkat marami akong sinasayang sa pag-iinternet, pagmumuni-muni, at pagtulog ng wala sa oras...

ngayon alam ko na ang sagot. wala lang talaga akong ibubugha.

ang utak ko ay nagugol na sa anatomy, physiology, biochemistry, histology, neuroanatomy, med ethics, at ang pinakamalupit na subject sa lahat, family and community medicine, kung saan ang pinag-aaralan namin ay kayang daanin sa common sense lamang (joke lang... biostat na kami ngayon).

kaya ganun...

malamang, matagal bago ulit ako mag-post.

Morbid Indulgencestarted this journey at11/29/2005